6 empleado di SDKK ta selebrá 25 i 35 aña di servisio

Willemstad – resientemente seis empleado di SDKK a rekordá i selebrá e echo ku 25 i 35 aña pasa nan a drenta servisio di gobièrnu na prizòn. Ta trata di sr. Sherman Isenia, sra. Leonarda Wernet i sr. Royharol Ryan a ku a selebrá 25 aña di servisio i tambe sra Jamila Pietersz, sra. Sandra Kirnon i sra Corine Tjen-A- Kwoei ku kada un a selebrá 35 aña di servisio.

Na okashon aki miembronan di tim di maneho di prizòn a hiba palabra i tambe demas invitado. Tambe tabatin oportunidat pa tur e hubilarionan presente konta nan ekperensia durante nan karerá laboral na prizòn.

Tur e hubilarionan a risibí nan pin di 25 i 35 aña di servisio i un sertifikado di rekonosementu pa nan labor prestá.
Gerensia i personal di SDKK ta deseá e seis koleganan di prizòn tur klase di éksito i ku nan sigui hasi e bon trabou.