Kontrolá bo dokumento

Klik riba e boton, kontestá e preguntanan tokante bo situashon i risibí na final un bista di e dokumentonan ku bo mester.

Check Dokumento

Dokumento

AKTA DI NASEMENTU OF LANGE UITTREKSEL (KRANSHI)

Pa optené un akta di nasementu òf un “Lange Uittreksel” na Kranshi mester traha un sita. Klik riba e boton i traha un sita pa e dokumento nesesario.

Na momentu ku klik riba e boton, selektá e produkto “Dokumento Asuntunan Publiko (Kranshi)”. Despues selektá “Lokalidat”, e fecha i ora deseá pa e sita, yena bo datonan, i klik “Konfirmashon”.

Traha sita na Kranshi

FORMULARIO BIAHA KU MUCHA (IMIGRASHON)

Klik riba e boton pa download e formulario pa biaha ku mucha, e “toestemmingsformulier”.

Toestemmingsformulier

Yena e formulario aki kompletamente pa kada mucha ku ta biaha ku 1 mayor òf ku un otro persona mayor di edat.
E formulario aki ta sòru pa un kòntròl lihé ora ta sali òf drenta Kòrsou.

GEZAGREGISTER (KAS DI KORTE)

Klik riba e boton pa download e formulario di petishon di “Gezagregister”.

Formulario di Petishon Gezagregister

Bo por entregá e formulario kompletá personalmente na balie di informashon na Kas di Korte na Emancipatieboulevard Dominico F. ‘Don’ Martina 18, òf digital via e-mail na [email protected].

Tene kuenta ku e petishon mester wordu entregá por lo ménos 7 dia di trabou promé ku bo biahe. Ta rekomendá pa entreg’é mas trempan,  durante periodonan okupá, manera fakansi di skol.

Guia pa Biaha ku Menor di Edat

For di promé di yüni 2025, gobièrnu a suavisá e reglanan eksistente pa biaha ku menor di edat. E reglanan ta pa garantisá seguridat di e menor i pa hasi e prosedura mas simpel i kla.
Menor di edat no por biaha sin pèrmit di su representante legal (mayornan òf voogd). Mester por demostrá e pèrmit na kontrol di frontera. E reglanan ta basá riba lei lokal i internashonal i ta variá dependé e situashon, manera biaha ku un mayor, ku un voogd òf e menor so. Si no kumpli ku e rekisitonan akí, por resultá ku ta nenga salida òf entrada di e menor.

E dokumentunan nesesario ta dependé di e situashon.

1. E yu no ta rekonosé pa e tata biológiko pues e mama so tin gezag

1. Yu ta biaha ku mama:
   • Lange uittreksel di e yu ku informashon di mayornan (Máksimo 1 aña bieu).
2. Yu ta biaha sin e mama:
   • Lange uittreksel di e yu ku informashon di mayornan (Máksimo 1 aña bieu);
   • Formulario di outorisashon firmá di e mama;
   • Kopia di ID bálido òf pasport di e mama

2. E yu ta rekonosé, 1 mayor tin gezag.

1. 1. Yu ta biaha ku e mayor ku tin gezag:
      • Lange uittreksel di e yu ku informashon di mayornan (Máksimo 1 aña bieu);
      • Formulario di outorisashon firmá pa tur dos mayor;
      • !Den kaso ku NO tin bon komunikashon entre e mayornan mester di Uittreksel di Gezagsregister (máksimo 1 aña bieu).
   2. Yu ta biaha sin e mayor ku tin gezag:
      • Lange uittreksel di e yu ku informashon di mayornan (Máksimo 1 aña bieu);
      • Formulario di outorisashon firmá pa tur dos mayor;
      • !Den kaso ku NO tin bon komunikashon entre e mayornan mester di Uittreksel di Gezagsregister (máksimo 1 aña bieu);
      • Kopia di ID òf pasport di tur dos mayor.

3. E yu ta rekonosé i ámbos mayor tin gezag

1. Yu ta biaha ku un di e mayornan:
   • Lange uittreksel di e yu ku informashon di mayornan (Máksimo 1 aña bieu);
   • Uittreksel for di gezagsregister (Máksimo 1 aña bieu) òf un beschikking di Korte;
   • Formulario di outorisashon firmá i yená kompletu di e mayor ku no ta biaha;
   • Kopia di un ID bálido òf pasport di e mayor ku no ta biaha.

2. Yu ta biaha sin mayornan.
   • Lange uittreksel di e yu ku informashon di mayornan (Máksimo 1 aña bieu);
   • Uittreksel for di gezagsregister (Máksimo 1 aña bieu) òf un beschikking di Korte;
   • Formulario di outorisashon firmá i yená kompletu di e mayor ku no ta biaha;
   • Kopia di un ID bálido òf pasport di e mayor ku no ta biaha.

4. Mayornan ta kasá i e yu ta biaha ku:

1. Ámbos mayor:
   • Lange uitreksel máksimo 1 aña bieu òf Buki di kasamentu original ku ta menshoná e yu;

2. Un di e mayornan:
   • Lange uitreksel máksimo 1 aña bieu òf Buki di kasamentu original ku ta menshoná e yu;
   • Formulario di outorisashon firmá pa e mayor ku no ta biaha;
   • Kopia di un ID bálido òf pasport di mayor ku no ta biaha.

5. Un persona tin voogdij (nombrá pa korte):

1. Yu ta biaha ku e persona ku tin voogdij:
   • Lange uittreksel di e yu ku informashon di mayornan (Máksimo 1 aña bieu);
   • Uittreksel for di gezagsregister (Máksimo 1 aña bieu) òf un beschikking di Korte;
2. Yu ta biaha sin e persona ku tin voogdij:
   • Lange uittreksel di e yu ku informashon di mayornan (Máksimo 1 aña bieu);
   • Formulario di outorisashon firmá i yená kompletu;
   • Uittreksel for di gezagsregister (Máksimo 1 aña bieu) òf un beschikking di Korte;
   • Kopia di un ID bálido of pasport di e persona ku tin voogdij.

6. Menor di edat bou di supervishon (OTS)

• Deklarashon di e tutor di famia ku detaye di e biahe i e dokumentonan relevante

7. E yu ta biaha pa èksamen òf ku un organisashon di deporte (sin mayor òf voogd):

• Den kaso ku e menor biaha mas ku dos (2) biaha den e mesun aña, por entregá un petishon pa presentá e dokumentonan nesesario un biaha pa aña;
• E petishon mester ta entregá via skol, organisashon deportivo òf federashon na Kuerpo Polisial Kòrsou, departamentu di UVTG, na Winston Churchillweg z/n. No mas tardá ku 2 siman promé ku e biahe den e mesun aña kalendario;
• Inkluí den e petishon: nòmber di menor di edat, propósito di biahe, fecha di e biahe planiá;
• Importante: informá kualke kambio den status legal;
• Trese riba e fecha di biahe: desishon por eskrito di UVTG i un pasport bálido;
• Tuma kontakto ku UVTG via number di telefòn +59996740063;
• Lange uitreksel máksimo 1 aña bieu òf Buki di kasamentu original ku ta menshoná e yu;
• Formulario di outorisashon firmá pa tur dos mayor;
• Kopia di ID bálido òf pasport di tur dos mayor.

8. Menor di edat estranhero

• Mesun eksigensianan ku menor Yu di Kòrsou;
• Pa estadía di periodo largu: pèrmit di estadía òf karta di aprobashon.

Gastu

Uittreksel gezagregister ta kosta Cg 50,- (Petishon ta via Korte di Hustisia. Petishon mester ta mínimo 5 dia promé ku biahe).

Uittreksel for di basisadministratie: Cg 10,- (Petishon via Publieke Zaken (Kranshi), mester traha sita riba loketdigital.gobiernu.cw).

Mas detaye

Pa biaha durante temporada di skol ta nesesario pa haña pèrmit di skol.
Si un di e mayornan ku tin gezag no ta duna pèrmit òf no ta disponibel, e otro mayor por hasi petishon na korte pa haña un pèrmit di remplaso. Korte lo evaluá e petishon i por saka un desishon na bienestar di e yu.

Bo no ta sigur kua dokumentonan bo mester, òf bo ke mas informashon? Sinti bo liber pa manda nos un email na [email protected]