Path Curacao
PATH (Prevenshon di Abusu i Trafikashon di Hende) ta un divishon dediká den Ministerio di Hustisia, dirigí pa e Kordinadó Nashonal di Trafikashon di Hende i Kontrabanda di Persona.
E ta kordiná tur asuntu relashoná ku trafikashon i kontrabanda di hende, for di konsientisashon te na implementashon di kambionan legislativo i hasi kòntròl na sitio ora ta nesesario.
E meta ta pa atendé ku trafikashon di hende di un manera amplio for di prevenshon, protekshon di víktima, i detekshon i persekushon di e perpetradónan.
Mundialmente ta usa e sistema di “3P” pa kombatí trafikashon di hende: Prosedimentu, Protekshon i Prevenshon. PATH ta komprometé pa sigui fortalesé e pilarnan aki na Kòrsou pa medio di maneho, koperashon, i konsientisashon den komunidat.
Konsientisashon i detekshon
Un parti importante di PATH su trabou ta oumentá konsientisashon den komunidat. Pa medio di kampaña i informashon, komunidat ta wòrdu informá tokante e señalnan di eksplotashon laboral, eksplotashon seksual, i otro formanan di sklabitut moderno.
Tambe ta enkurashá komunidat pa rekonosé situashonnan sospechoso i raportá na autoridatnan kompetente, pa asina e viktimanan por wordu identifiká mas lihé i risibi yudansa.
Na mart 2026, na okashon di e di dos aniversario, PATH a estrená tres “short film” den kolaborashon ku partner i stakeholder lokal komo parti di un kampaña di konsientisashon. E pelikulanan ta konta historia rondó di trafikashon di hende ku e meta pa hasi e públiko konsiente di e realidat i impakto di e tópiko aki.
E aktividat ta parti di e esfuersonan kontinuo di PATH pa fortalesé e kombersashon tokante trafikashon di hende pa medio di edukashon i arte.
Desaroyo i kolaborashon
Resientemente PATH a traha riba fortalesé e aserkamentu nashonal pa trafikashon di hende. Esaki a enserá establesé kolaborashon nobo, desaroyá protokòl, i sigui ekspandé asosiashon internashonal pa mehorá protekshon di víktima i atendé ku e perpetradónan miho.
Raportá Trafikashon di Hende
Kasonan sospechoso of persona sospecha di trafikashon di hende por wòrdu raportá dor di yena e formulario online via e boton aki bou.
Bo informashon ta importante. Sea bo tin un pregunta, mester di sosten, òf ke djòin e lucha kontra trafikashon di hende, tin hopi organisashon ku por yuda.
Kordinadó Nashonal – Tráfiko di Persona i Kontrabanda di Migrante – +599 9 692 1990
Relator Nashonal – Tráfiko di Persona i Kontrabanda di Migrante – +599 9 692 1991
Polis 24/7 – 108
Ministerio di Hustisia – Organisashon Ehekutivo pa Kuido Hudisial (Servisio di Sosten pa Víktima) – 24/7 – +599 9 679 757
