Interpol

Buro Nashonal Sentral di INTERPOL Kòrsou

Buro Nashonal Sentral di INTERPOL Kòrsou ta un organisashon ehekutivo den seno di Ministerio di Hustisia, pero no ta kai bou di un sektor spesífiko. INTERPOL ta forma un kolaborashon estrecho ku organisashonnan (polisial) ku tin un tarea públiko i gubernamental riba tereno di polis, hudisial i/òf seguridat. E ta sostené e organisashonnan den prevenshon i kombatimentu di kriminalidat. E instansia ta rekohé, analisá i interkambiá informashon (di polis) entre paisnan i ta yuda den koperashon internashonal di polis.

Mishon
Pa bira un organisashon ekselente ku mester tin un ròl di sostené, kordiná, fasilitá i asesorá tur organisashon, servisio i outoridat ku tin komo mishon pa kombatí kriminalidat.

Vishon
Buro Nashonal Sentral di INTERPOL Kòrsou ta kontribuí na desaroyo di maneho pa ku kombatimentu di krímen ku ta kursa frontera i prevenshon di esaki.

INTERPOL su meta ta pa tene kuenta ku leinan i reglamentu di Kòrsou vigente, Deklarason Universal di Derecho di Hende i otro kombenionan internashonal, realisá ophetivonan di e Organisashon Internashonal polisial – INTERPOL pa medio di:

Realisashon i promoshon di sosten di ambos banda entre INTERPOL Kòrsou i e paisnan afiliá na ICPO-INTERPOL, relashoná ku ehekushon di aktividatnan pa prevení i kombatí kriminalidat.
Establesé gruponan multidisiplinario ku por spera di kontribuí na e kombatimentu i prevenshon efektivo di kriminalidat.

Ròlnan i Responsabilidatnan

INTERPOL tin e siguiente tareanan:

Mantené kontaktonan regular ku IPSG riba asuntunan organisatorio i interkambiá datonanrelevante i informahson ku tin karakter internashonal di índole kriminal;
Pa fungi komo e instansia ofisial di kua, riba petishon di outoridatnan polisial \òf hudisial di Kòrsou, òf esnan di otro estadonan miembro di ICPO-INTERPOL, e interkambio di informashon ta tuma lugá;
Den kuadro di e evaluashon i kordinashon di trabou di INTERPOL asistí na e reunión general di ICPO-INTERPOL i e reunionnan asosiá di hefenan di Ofisina di Interpol, dirigí riba adoptá resolushonnan ku por keda implementá den kumplimentu ku e leinan i regulashonnan nashonal di Kòrsou;
Konstruí ekspertisio riba tereno di kriminalidat internashonal pa sostené e organisashonnan hudisial na Kòrsou ku konosementu i yudansa profeshonal;
Kordiná i realisá investigashonnan pa kumpli ku petishonnan di Interpol;
Ehekutá otro tareanan relashoná ku ehekushon di mantenshon di órden hurídiko riba nivel internashonal i interregional.