Kuerpo Polisial Kòrsou

Kuerpo Polisial Kòrsou (KPC) ta responsabel pa seguridat, òrdu i seguridat hurídiko riba e isla. KPC ta disponibel dia i anochi pa protehá siudadanonan, kombatí kriminalidat i kontribuí na un isla seif i harmonioso pa un i tur.

E mishon di Kuerpo Polisial Kòrsou ta relatá na e funshon primario i e derecho di eksistensia di e organisashon; mantenshon di òrden públiko. E mishon ta:
“Nos hendenan hòmber i hendenan muhé di Kuerpo Polisial Kòrsou ta duna kontribushon efektivo i di kalidat haltu na seguridat i un ambiente bibabel di komunidat di Kòrsou, un komunidat den kua pueblo ta biba den harmonia ku otro.”

E vishon di Kuerpo Polisial Kòrsou ta basá riba e mishon i metanan ku ta lo siguiente:
“Nos hendenan hòmber i hendenan muhé di Kuerpo Polisial Kòrsou ta un organisashon di polis adekuá, konfiabel i dediká.”

A base di e mishon ariba menshoná, Kuerpo Polisial Kòrsou a stipulá 3 meta:

Elevá konfiansa di komunidat den kuerpo polisial;
Suidadano satisfecho ku ta aserká polis;
Empleadonan satisfecho ku ta hasi nan trabou ku plaser i ku ta konsiente ku nan trabou ta importante.

E metanan akί ta basá riba e balornan núkleo: konfiabilidat, profeshonalismo, integridat i aktitut servisial.