Reclassering Curaçao

Reclassering Curaçao a keda fundá dia 16 di yanüari 1947 komo un instituto privá supsidiá pa gobièrnu. For di 2012 e ta un servisio di gobièrnu ku ta kai bou di Ministerio di Hustisia.

E mishon di Reclassering ta promové bienestar sosial general pa medio di:

Guia i resosialisá potensial ofensornan;
Influensiá positivamente potensial delinkuentenan i nan ambiente.

E meta ta pa kontribuí na un komunidat mas sigur pa medio di maneho di riesgo i influensiá positivamente e komportashon di akusadonan i sospechosonan.
E grupo di enfoke ta konsistí di personanan di 18 aña bai ariba ku a drenta den kontakto ku e sistema di hustisia òf ta kore riesgo di hasi esaki.

Ròlnan i Responsabilidatnan

Reclassering tin e siguiente tareanan:

Investigashon i raportahe;
Asistensia;
Guia i supervishon di personanan poné bou di supervishon di Reclassering;
Organisá i supervisá ehekushon di sanshon alternativo;
Trayektonan di informashon tokante situashonnan ku ta promové kriminalidat òf ta stroba resosialisashon;
Proyektonan di prevenshon.