Sentro di Detenshon i Korekshon Kòrsou

E mishon di Sentro di Detenshon i Korekshon Kòrsou (SDKK) ta pa ofresé komunidat, personal i detenido un fasilidat seif ku ta kumpli ku regla internashonal.

SDKK ta representá un sentro di korekshon ku ta basá riba normanan operashonal optimal, ku ta ofresé protekshon na komunidat i kaminda personanan ku a keda arestá, persiguí i/òf kondená ta haña e oportunidat pa risibí e sosten i guia nesesario, pa despues nan por funshoná di akuerdo ku e norma i balornan establesí den nos komunidat.

E meta di SDKK ta pa garantisá reintegrashon i prevení ku ta bolbe kai den man di hustisia pa medio di prevenshon den e murayanan di trabou (rehabilitashon intramural).

E tareanan prinsipal ta:

Detenshon i tratamentu di detenido;
Ofresé programa i edukashon di reintegrashon strukturá;
Supervishon di kuido di detenshon, detenshon i libertat, ku ta inkluí periodo di grasia.

Vishon

Un sentro di korekshon ku standardnan optimal di operashon, ku ta duna protekshon na komunidat i kaminda personanan ku ta keda persguí pa Hustisia i ta detené, tin e oportunidat di risibí e sostén i guia nesesario pa biba segun normanan i balornan establesí den komunidat.