Opleidingsinstituut Rechtshandhaving & Veiligheidszorg
ORV ta ofresé edukashon i ekspertisio na organisashonnan ku ta dediká nan mes na mantenshon di lei, òrdu públiko i seguridat. E tareanan di ORV ta inkluí konsehá i yuda desaroyá maneho di edukashon pa e kadena hudisial. ORV ta sirbi organisashonnan enkargá ku mantenshon di lei, órdu públiko i seguridat di pais Kòrsou. Departamentu di otro ministerio i departamentu di otro pais tambe ta kumpra produkto for di ORV.
Mishon di ORV ta proveé servisio riba tereno di edukashon, konseho i ekspertisio na benefisio di organisashonnan responsabel pa mantenshon di lei, òrdu públiko i seguridat di pais Kòrsou i kuerpo polisial Kòrsou en partikular.
ORV tin komo meta pa fungi komo un ‘Sentro di Ekselensia’ den dunamentu di edukashon, konseho i konosementu pa e sektor hudisial di pais Kòrsou, regional i den Reino. Esaki ta nifiká ku ORV ta sòru pa desaroyo di kompetensia riba tereno di hustisia na e nivel di mas haltu posibel. ORV ta mantené kontaktonan intensivo ku su klientenan pa asina e rango di servisio ta adaptá na nan nesesidatnan i na desaroyonan den e profeshonnan hudisial.
ORV ta enbolbí su klientenan den desaroyo di produktonan edukativo, di konseho i di konosementu i tambe ta traha huntu ku partnernan edukativo lokal i internashonal. ORV ta boga pa rekonosementu i akreditashon di su kursonan di formashon i ta pèrkurá pa profesionalisashon kontinuo di su empleadonan.
Kontakto
Adrès: Winston Churchillweg #8
Number di Telefòn: +599 9 868-0000
Email adrès: [email protected]
Wèpsait: www.orv.cw
Facebook: https://m.facebook.com/orvcuracao/
Video
Table of contents
