Deklarashon di Bon Kondukta (VOG)

Introdukshon

Un Deklarashon di Bon Kondukta (VOG) ta un dokumento ofisial ku ta mustra ku bo komportashon di pasado no ta un opstákulo pa kumpli ku un tarea òf posishon spesífiko.

Hopi bia ta puntra pa e deklarashon akί na momentu di:

• Solisitut;
• Stazje;
• Trabou boluntario;
• Profeshon den por ehèmpel kuido di mucha.

Kiko tin mester pa e petishon?

Si bo mes hasi e petishon:

• Un ID bálido (sedula, paspoort of rijbewijs);
• Deklarashon di dunadó di trabou (si ta nesesario pa un petishon);
• Deklarashon di skol (si ta nesesario pa propósito di skol).

Si bo outorisá un hende pa hasi e petishon:

• Download i yena e formulario di outorisashon;
• Suministrá e representante outorisá ku e siguiente dokumentonan:
  • Un kopia di bo ID bálido;
  • Un kopia di su ID;
  • Deklarashon di dunadó di trabou (si ta nesesario pa un petishon);
  • Deklarashon di skol (si ta nesesario pa propósito di skol);
  • E prueba di pago.

Si bo ta biba den eksterior:

• Entregá bo petishon digital ku:
  • Un petishon por eskrito (firmá i ku adrès di kontakto);
  • Un kopia di bo pasport bálido;
  • Deklarashon di dunadó di trabou (si ta nesesario pa un aplikashon);
  • Deklarashon di skol (si ta nesesario pa metanan di skol);
  • E prueba di pago.
• Bo por outorisá un hende tambe pa hasi e petishon na bo nòmber.

Prosedura

E petishon pa un Deklarashon di Bon Kondukta ta wòrdu hasí via e Loket digital.

1. Entregá: Entregá bo petishon na “Vergunningloket”
2. Kontrol di kompletidat: Despues di verifikashon, e petishon ta bai pa departamentu di maneho pa investigashon.
3. Evaluashon: Departamentu di Maneho ta evaluá bo petishon a base di leinan eksistente den kaso ku bo tin antesedente penal.

     E proseso akί ta garantisá maneho kuidadoso di tur petishon.

Gastu

Entrante 23 di novèmber 2020, e siguiente tarifanan ta apliká pa un Deklarashon di Bon Kondukta:

• Cg. 25: Personanan di 22 aña òf mas;
• Cg. 12.50: Personanan di 21 aña òf mas yòn;
• Cg. 12.50: Personanan ku ta risibí benefisio di asistensia sosial (deklarashon di SOAW ta nesesario);
• Cg. 5: Pa un deklarashon (kopia), no mas bieu ku 6 luna.

Bo ta paga e gastonan akί na vergunningenloket ‘’loket digital”.

Durashon

E tempu di espera pa un deklarashon di bon kondukta ta máksimo 6 siman.
Normalmente e tempu di prosesa ta denter di 30 dia di registrashon.
Si bo tin antesedente penal e por tuma mas tempu.

Mas informashon

Tuma kontakto ku e Vergunningenloket ‘Loket digital’.