Justitiële Jeugdinrichting Curaçao (JJIC)

JJIC ta un instituto pa re-edukashon residensial ku ta enfoká riba mehorashon di perspektivanan pa futuro di hóbennan di èks Antia Hulandes i Aruba ku tin dies aña di edat òf mas i ku hues a pone den internat.

Esaki ta enserá:

Bou di supervishon (OTS)
Medida penal
Medida di TBR (Terbeschikkingstellen van de Regering)
Medida di PIJ (Plaatsing in een inrichting voor jongeren) den kua ta pone e hóben den un instituto pa hóben. Esaki a remplasá TBR pa hóben.

JJIC ta ofresé kuido residensial i asistensia obligatorio komo parti di un trayekto di kuido mas largu.
JJIC ta un bon ehekutor di intervenshon di krísis será, diagnóstiko, entrenamentu i tratamentu pa e hóbennan ku ta den e instituto.

E mishon ta re-edukashon di hóben pa medio di :

Stimulá komportashon akseptabel den komunidat;
Desaroyá talento i fortifiká kompetensia;
Promové desaroyo kognitivo pa medio di edukashon spesífiko;
Ofresé ayudo spesial riba indikashon;
Promoshon di relashon mayor i yu;
Estudio sikodiagnóstiko;
Intervenshon sikológiko.

JJIC ta mantené e modèl sosiológiko. E tres aspekto mas importante ta:

Kultura di norma positivo;
GGI (Gesloten Gemeentelijke Instelling);
Grupo di hóben positivo, Grupo Kibrahacha.

Un plan di guia personal trahá pa kada hóben. E aserkamentu holístiko tin komo meta pa mehorá e bienestar físiko, sosial, mental, material i kultural di e hóben. Dependiendo di e problema di komportashon, ta realisá diferente intervenshon i vários método ta keda apliká.

Vishon di JJIC:
Un instituto di korekshon seif i eksitoso basá riba norma aseptá internashonalmente. Den un ambiente pedagógiko sano ku ta motivá e hóbennan i personal pa hasi nan máksimo esfuerzo.

JJIC ta realisá e siguiente metanan:

Mehorá e futuro di e hóbennan den JJIC;
Desaroyo personal i satisfakshon laboral di e personal;
Komunidat di Kòrsou satisfecho.

Prinsipio di JJIC

Tur hóben tin derecho riba edukashon, tur mayor tin derecho riba sosten den esaki!
JJIC ta yuda hóbennan ku trastorno di komportashon serio pa usa nan oportunidatnan pa konstruí un eksistensia ku ta sosialmente aseptabel. E personal di JJIC ta un guia i terapista dediká pa kada hóben.

Ròlnan i Responsabilidatnan

JJIC ta ofresé kuido residensial i asistensia obligatorio;
Implementashon di intervenshon den un krísis den e instituto, diagnósis, edukashon i tratamentu;
Apoyá hóbennan ku medida di OTS, TBR òf PIJ;
Promové desaroyo kognitivo, sosial i personal;
Kontribuí na seguridat di komunidat i e hóben individual.