Kambio di Fam

Kambio di Fam

Kambio di fam por tuma lugá pa medio di un petishon ofisial di bo òf (den kaso di un mucha) pa un representante legal. E kambio ta keda bálido asta si e paternidat lo ta  rekonosé despues. Esaki ta para den artíkulo 7 di Kódigo Sivil, Buki 1.

Dokumento pa e petishon

Pa un adulto:
Skirbi un karta ku petishon di kambia bo fam. Inkluí den e karta:

• Motibu di kambio di e fam;
• E fam aktual;
• E fam nobo deseá.

Dokumento nesesario pa manda huntu ku e karta ta:

• Un uittreksel for di e registro di nasementu;
• Un kopia di bo dokumento di identidat (p.e. pasport òf sédula);
• Prueba di inskripshon na Registro Sivil;
• Un kopia di e sertifikado di matrimonio (si ta aplikabel).

Pa un menor:
E mayor òf voogd ta skirbi un karta kaminda ta bisa:

• E motibu di kambio di e fam;
• E fam aktual di e mayornan i e yu;
• E fam nobo deseá.

Dokumentonan ku bo ta manda:

• Uittreksel for di e registro di nasementu di e yu;
• Kopia di e dokumentonan di identidat di ámbos mayor;
• Prueba di inskripshon na Registro Sivil;
• Un kopia di e sertifikado di matrimonio;
• (Si ta aplikabel) uitreksel di e dekreto di divorsio.

Mester entregá tur dokumento na Gabinete di Gobernador di Kòrsou
Dirigí na:
Gobernador di Kòrsou
Fort Amsterdam 2, Willemstad
Inkluí tambe bo adrès i number di telefòn den e karta.

Proseso di petishon

Entregá e karta huntu i tur dokumento na Gabinete di Gobernador di Kòrsou
Dirigí na:
Gobernador di Kòrsou
Fort Amsterdam 2, Willemstad
Inkluí tambe bo adrès i number di telefòn den e karta.

Evaluashon:
Un komishon ta evaluá bo petishon. E komishon ta konsistí di representantenan di Ministerio Públiko i Ministerio di Hustisia.

Publikashon:
Den kaso di un kontesta positivo, bo mester publiká un anunsio den dos korant lokal i den Landscourant.

Periodo di opheshon:
Tin un periodo di tres luna den kua por entregá opheshon.
No tin opheshon? E petishon ta ser prosesá mas aleu.
Tin opheshon? Esakinan ta keda tratá promé.

Gastu

Bo ta paga Cg 600,- na stampia (gastu di atministrashon) na Ontvanger. Manda e komprobante di pago via email pa Ministerio di Hustisia.

Durashon

E tempo di espera pa kambio di fam ta máksimo 6 luna.

Kontakto

Bo tin kualke pregunta? Pa mas informashon por tuma kontakto ku Ministerio di Hustisia:
Email: [email protected]